مـــــــنـــــــتـــــــدى ا بـــــــوخــــــــــــــــــــالـــــــــــــــد@عـــــــمـــــــر
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

مـــــــنـــــــتـــــــدى ا بـــــــوخــــــــــــــــــــالـــــــــــــــد@عـــــــمـــــــر


 
الرئيسيةأحدث الصورالتسجيل

 

 ابيات للشاعر الامير بدر بن عبدالمحسن

اذهب الى الأسفل 
كاتب الموضوعرسالة
قـ(مصدي)ـر
مدير الاقسام
مدير الاقسام
قـ(مصدي)ـر


عدد المساهمات : 51
تاريخ التسجيل : 18/08/2011

ابيات للشاعر الامير بدر بن عبدالمحسن Empty
مُساهمةموضوع: ابيات للشاعر الامير بدر بن عبدالمحسن   ابيات للشاعر الامير بدر بن عبدالمحسن Emptyالجمعة أغسطس 19, 2011 12:22 pm


السلام عليكم ورحمة الله وبركاتة
ابيات للشاعر الامير بدر بن عبدالمحسن

أرفع جروحك

إرفع جروحك عن وصال الخناجر -نزفك عزيز ومثلك النجم لاطاح
ولاتنحني للريح والذّل فاجر- والخوف ساس الذل والغبن ذبّاح
مادام لك عن خفضة الهام زاجر - إمّا إنكسر ولا تعدّاك الارياح
مانته بعشبٍ نابتٍ وسط حاجر-ولا إنت بشراع التيه والوقت ملاّح
إنت الّذي باسمك تضيق الحناجر-لو إنطقوا بك همس سمعوا بك صياح
تقفي وكن الحرف للحرف هاجر -وتقبل وقلب الصخر بالشعر بوّاح
ولا من رمى صبحك عباة الدياجر -ثم إنتهى ظماه شع بالنور مصباح
إرفع جروحك عن تراب الخناجر- نزفك عزيز ومثلك النجم لاطاح
















الوعد باكر


الوعد باكر
الوعد باكر ..
و لو تأخرتي ... لا يجي باكر
ما أبي باكر بدونك
احبسي الفجر فـ عيونك
و إن أشغل طيفي ظنونك
واعديني بعد باكر ...
أنا ظلي تحت شمسك
و لو تغــيـــبي ما هو ظلي ..
و انتي اسمك في حياتي
يهمسه بعضي لكلي ..
آه يا ضعفي و غروري
اعدلي فيني و جوري
و اصدقي .. راعي شعوري
و واعديني بعد باكر ..
هذا وجهك في عيوني
ما رسمته لا وربي ..
و اللي يصرخ في ضلوعي
هذا صوتك ماهو قلبي ..
آه يا شمعة وجودي ..
اشعلي نارك في عودي..
اهجري قلبي و عودي
و واعديني بعد باكر ..












شبيه الريح


صوتٍ شبيه الريح .. مشققٍ بأعواد شيح
مرتّق بالدم .. معتّق بالهم زافر
صوتٍ مثل خضر العروق اللي على ظهر الكفوف المبطيه نافر
صوتٍ ذبيح .. يصرخ يصيح .. إبلك خذوه القوم
بين الفزع والنوم ..
أسرجت مهري ألف ..
وسلّيت سيفي ألف ..
وظهرت تحت الشلف ..
ماكان في الشارع غير الرصيف والفجر ..
وبواب جيراني من هالمدى راجع ..
يحمل رغيفٍ حار .. زاد لثلاث صغار..
للمدرسه صحيوا ولبسوا مرايلهم ..
سنين سنين .. هالصوت الجارح الزاجر..
يصيح بي وينك.. قطفت بساتينك ..
وابلك خذته القوم.. خذته القوم هالابل..
أفـّز وفي أنفي ..عـجاجة الغـاره ..
وأصحى وفي كفي ساعه ونظاره ..
مالي إبل أرجـوك مـالي نخيل ..
لانصل ولا حـافر









صوتك يناديني
صوتك يناديني .. يناديني تِذكَّر
تِذكَّر الحلم الصَّغير ..
و جدار مِن طين و حصير ..
و قمرا ورا الَّليل الضَّرير .. عِند الغدير
و إن هبَّت النِسمه .. تِكسَّر ..تِذكَّر ..
جيتي مِن النَّسيان .. و مِن كلَّ الزَّمان
الَّلي مضى .. و الَّلي تغيَّر
صوتك يناديني .. يناديني تِذكَّر












لو تغيبي

لو تغيبـي ولو رحـل وجهك حبيبـي
في غيابـي عنك أشوفك .. وفي عذابـي منك أشوفك
صـدقينـي مـا نـقـص هالليـل بعدك إلا قمـرا
وما فـقـدت من النهـار إلا شعاع الشمس بكـرا
واجمل الناس حبيبـي ..
لو تغيبـي لو رحـل وجهك حبيبـي
تصغر الدنيا وتضيـق
كلّ مافي الدنيا أعرفه إلا بيتـي والطريق
أنا أحبك ذا نصيبـي .. إبعدي عني وغيبـي
صـدقينـي مـانـقـص هالليـل بعدك إلا قمـرا
ومافـقـدت من النهـار إلا شعاع الشمس بكـرا
لك ليـالي ما سألتـي .. ولي ليـالي ما سـألت
ولو دريت إنك زعلتـي .. كان أفرح مـازعـلت
بس داري مافي قلبـك إلا قلبـك
واختياري إني أحبـك والا أحبـك
ومن عذاب الحب يكفـي لو تجرّح قلب واحد
وإنتي يا حبـي وضعفـي لا يهمك كله واحد
لجل تتغير فصول .. ويبكي الغيـم في عيونـي
وتزهر جبال وسهول .. اضحكي بيـّا وبدونـي
وصدقينـي مـا نـقـص هالليـل بعدك إلا قمـرا
ومافـقـدت من النهـار إلا شعاع الشمس بكـرا














نامت عيونك

وصحى الليل مظنونك أغاني
قصّت جناح الثواني غيبتك
وصارت الساعة أماني

أنا حروفي في غيابك
لا هي حكي ولا هي قصيد
أكتب الظلمة وأعيد
وإنت يالفجر البعيد
نامت عيونك

إسهر معي ليلة
حاول تحس بلوعتي ليلة
عد النجوم شكثرها
ياللي بقلبي كثرها
ونام .. القمر بوسادتك نام
ليتك تغير عادتك
خل القمر ليلة ..
يسهر معي ليلة

أنا حروفي في غيابك
لا هي حكي ولا هي قصيد
أكتب الظلمة وأعيد
وأنت يالفجر البعيد ..
نامت عيونك


الرجوع الى أعلى الصفحة اذهب الى الأسفل
 
ابيات للشاعر الامير بدر بن عبدالمحسن
الرجوع الى أعلى الصفحة 
صفحة 1 من اصل 1
 مواضيع مماثلة
-
» قصائد للشاعر سعد جدلان
» ابيات دينيه جميلة جدا فيها اسماء سور القرآن
»  ثلاث اشعار للشاعر محمد بن الذيب

صلاحيات هذا المنتدى:لاتستطيع الرد على المواضيع في هذا المنتدى
مـــــــنـــــــتـــــــدى ا بـــــــوخــــــــــــــــــــالـــــــــــــــد@عـــــــمـــــــر :: المنتدى الأدبي :: شـعـر وشـعـراء-
انتقل الى: